قصص مختارة
عن دمشق القديمة والعمارة
بتوقف العالم قدامها محتارة
من اول جامع الاموي والسيدة رقية
لشارع بغداد والعمارة البرانية
بتشتهر ببيوتها القديمة وحاراتها الضيقة
والمتشعبة كل بيت بيلتصق بالبيت يلي جنبو
وكانو عم يخبي اسرارو ويكاد لا يخلو بيت من ياسمينة
وبيعيش بكل بيت جيلان او ثلاث اجيال
وبيعيشوا متحابين ومتفاهمين
بس العيال كبرت
وصار لكل شب وصبية بيت
وكعكتين بخيط
بس بالشام مستحيل بسبب الغلا
فكان الزحف الى الغوطة الشرقية
وهي اقرب شي للشام القديمة
وبلش الزحف لعربين وزملكا وعين ترما وغيرها
وتعايشوا الاهالي وعاشو احلى عيشة
الى اشتعلت الثورة وصار الضرب
واشتغل القصف يلي ما خلى اخضر ويابس
ولا بيت ولا حيط وتكسروا الكعكتين بالخيط
ورجعت حليمة لعادتها القديمة
وامتلأت بيوت دمشق بالمهجرين الزائرين
بعدما هربوا من القصف والدج
يعني بالمختصر المفيد
رجع الشب لعند اهلو والبنت لبيت حماها
واكتظت البيوت بالسكان والاطفال
وصارت النومة روس ورجلين
ووراء هالحيطان شو مخباية اوجاع واحزان
وبتسمع من بعض هالحيطان
الحماية :منين جبتلي مرتك لخلئتي ما بتعرفني ما بطيئها
والابن :ماما طولي بالك علينا شوي
مفكرين حالنا رح نكون عندك يوم اويومين
جمعة او جمعتين وبالكتير شي شهرين
ادعيلنا الله يفرج علينا
وخناقة السلفة مع سلفتها على طنجرة الشوربا
وخناقة الاخ مع اخو على فاتورة الكهربا
وخناقة الحماية على الغسالة
وعالحمام والمي السخنة والسخان
والخناقة عالمصروف وكل الاسعار زادت بالالوف
والتغت اللحمة من البيت رغم استبدالها بالعجل بدل الخاروف
والله يكون بعون هالختيارة يلي استحملتهم بجدارة
بعد ما فضي بيتها من كل بندوراية وخيارة
وكل هالشي صار معنا بس نحنا صامدين
وعم ندعو رب العالمين ينصرنا قولوا امين
بس بدنا نحب بعضنا ونضف قلوبنا متل بياض الياسمين
لانو متل ما بتعرفوا امتد القصف علينا ووصل البل لدقنا
واذا ما كنا ايد وحدة على اعدائنا ما رح نكون منتصرين
حبوا بعض تصافوا صلوا ارحامكم هي فرصتكم
وكل عام وانتو بخير !
عن دمشق القديمة والعمارة
بتوقف العالم قدامها محتارة
من اول جامع الاموي والسيدة رقية
لشارع بغداد والعمارة البرانية
بتشتهر ببيوتها القديمة وحاراتها الضيقة
والمتشعبة كل بيت بيلتصق بالبيت يلي جنبو
وكانو عم يخبي اسرارو ويكاد لا يخلو بيت من ياسمينة
وبيعيش بكل بيت جيلان او ثلاث اجيال
وبيعيشوا متحابين ومتفاهمين
بس العيال كبرت
وصار لكل شب وصبية بيت
وكعكتين بخيط
بس بالشام مستحيل بسبب الغلا
فكان الزحف الى الغوطة الشرقية
وهي اقرب شي للشام القديمة
وبلش الزحف لعربين وزملكا وعين ترما وغيرها
وتعايشوا الاهالي وعاشو احلى عيشة
الى اشتعلت الثورة وصار الضرب
واشتغل القصف يلي ما خلى اخضر ويابس
ولا بيت ولا حيط وتكسروا الكعكتين بالخيط
ورجعت حليمة لعادتها القديمة
وامتلأت بيوت دمشق بالمهجرين الزائرين
بعدما هربوا من القصف والدج
يعني بالمختصر المفيد
رجع الشب لعند اهلو والبنت لبيت حماها
واكتظت البيوت بالسكان والاطفال
وصارت النومة روس ورجلين
ووراء هالحيطان شو مخباية اوجاع واحزان
وبتسمع من بعض هالحيطان
الحماية :منين جبتلي مرتك لخلئتي ما بتعرفني ما بطيئها
والابن :ماما طولي بالك علينا شوي
مفكرين حالنا رح نكون عندك يوم اويومين
جمعة او جمعتين وبالكتير شي شهرين
ادعيلنا الله يفرج علينا
وخناقة السلفة مع سلفتها على طنجرة الشوربا
وخناقة الاخ مع اخو على فاتورة الكهربا
وخناقة الحماية على الغسالة
وعالحمام والمي السخنة والسخان
والخناقة عالمصروف وكل الاسعار زادت بالالوف
والتغت اللحمة من البيت رغم استبدالها بالعجل بدل الخاروف
والله يكون بعون هالختيارة يلي استحملتهم بجدارة
بعد ما فضي بيتها من كل بندوراية وخيارة
وكل هالشي صار معنا بس نحنا صامدين
وعم ندعو رب العالمين ينصرنا قولوا امين
بس بدنا نحب بعضنا ونضف قلوبنا متل بياض الياسمين
لانو متل ما بتعرفوا امتد القصف علينا ووصل البل لدقنا
واذا ما كنا ايد وحدة على اعدائنا ما رح نكون منتصرين
حبوا بعض تصافوا صلوا ارحامكم هي فرصتكم
وكل عام وانتو بخير !
0 التعليقات:
إرسال تعليق